BalSansar.com



		बाल सिर्जना मेरो फूलबारी अमित दुगड मेरो सानो फूलबारीमा फूल थरी थरी भमरा पुतली आई घुम्छन् वरिपरि । कहिले दिन्छु पानी म कहिले राख्छु मल पानी र मल पाई फुल्छन् धेरै फूल । फूलले दिन्छ वासना फूलले दिन्छ शोभा मैले पनि दङ्ग पर्दै गर्छु धेरै सेवा । मेरो सानो फूलबारीमा फूल थरी थरी फिँजाउँछन् वासना घर वरिपरि । यसरी नयाँ वर्ष मनायौँ अमित दुगड नेपालमा नेपालीहरुले मनाउने विक्रम संवतको नयाँ वर्ष वैशाख १ गतेदेखि सुरु हुन्छ । नयाँ वर्ष आउँदा हामी धेरै खुशी हुन्छौँ । भविष्य उज्यालो पार्ने काममा हामी लाग्छौँ । नयाँ वर्षले हामीलाई नयाँ जोश र जाँगर दिन्छ । नयाँ वर्षमा सुख-शान्तिको कामना गर्छौँ । प्रतीक मान्दछौं । आफ्ना साथीहरुलाई शुभ-कामना बाँड्छौँ । देशभरि नयाँ वर्षको उपलक्ष्यमा विभिन्न कार्यक्रमहरु गरिन्छन् । नयाँ वर्षको दिनमा विद्यालय र अरु कार्यालयहरु विदा हुन्छ । मानिसहरु वनभोज गएर नाँचगान गरेर नयाँ मनाउँछन् । पुरानो वर्षको दुःख-कष्टलाई हामी बिर्सन्छौँ । यसरी हामी उन्नति-प्रगतिमा लाग्दछौँ । पोहोर हामीले हाम्रो विद्यालयमा नयाँ वर्षको उपलक्षमा निकै रमाइलो कार्यक्रम राखेका थियौँ । सबै गुरु र गुरुमाहरु हाम्रा कक्षामा भेला हुनुभयो । पहिले नाँचगानको कार्यक्रम भयो । हाम्रा साथीहरुले राम्रो नाच नाचेर देखाए । केही साथीहरुले मीठा गीत गाएर सुनाए । हामीले पनि एउटा सानो नाटक देखायौं । हाम्रो नाटक हेरेर गुरु-गुरुमाहरु खूब हाँस्नुभयो र हामीलाई स्याबासी दिनुभयो । गुरु-गुरुमाहरुले पनि गीत गाएर हामीलाई सुनाउनुभयो । हामीले विद्यालयका ढोकामा रंगीन कागजको पताका टाँगेका थियौँ । कालोपाटीमा "नयाँ वर्षो शुभ-कामना" लेखेका थियौँ । हामीले अभिभावकहरु र गुरु-गुरुमाहरु साथै साथीहरुका लागि केही फलफूल र चकलेटको पनि व्यवस्था गरेका थियौँ । अन्त्यमा उहाँहरुले हामीलाई धेरै-धेरै शुभ-कामना दिनुभयो । हामीहरु निकै खुशी भयौं । यसपालिको नयाँ वर्षलाई पनि हामीले यसरी नै स्वागत गर्दैछौँ । अमित दुगड, कक्षा ८, बहिरा बालकको स्कूल, नक्साल, काठमाडौँ यो पृष्ठमा बालबालिका आफैले लेखेर पठाएका रचना, खास गरी कथाहरु राखिन्छन् । यसमा राखिने रचना पठाउनका लागि रचना पठाउनुस् पेजमा हेर्नुहोला । यहाँ क्लिक गर्नुस् आफूले लेखेको कथा इमेलमा नत्थी गरेर पठाए पनि हुन्छ । मूल पृष्ठमा जाउँ